Misioni

Green Hearts, projekti më i dashur i Bankës sonë, u themelua në mars të vitit 2023 nga koncepti i vullnetarizmit dhe dëshirës tonë për të krijuar një ndikim pozitiv në shoqërinë ku jetojmë përtej biznesit kryesor. Ne synojmë të përcjellim vlera dhe të angazhohemi në mënyrën më të mirë të mundshme me pjesëmarrjen tonë në të gjitha fushat e shoqërisë, si dhe kemi kemi për qëllim të aplikojmë praktika shembullore të përgjegjësisë sociale, të cilat janë në një linjë me pritshmëritë e Grupit OTP, investitorëve tanë dhe të shoqërisë.

Impakti ynë në kuadër të përgjegjësisë sociale dhe biznesit të qëndrueshëm shtrihet në disa shtylla kryesore si bamirësia, mjedisi, edukimi financiar, shëndetësia dhe më gjerë. Ne besojmë në forcën e bashkëpunimit dhe në rëndësinë e përcjelljes së mesazheve sensibilizuese dhe jemi gjithmonë të gatshëm për të ofruar ndihmë.

Strategjia

Strategjia e Green Hearts është e ndërtuar mbi dy shtylla kryesore: Angazhimi i kolegëve tanë dhe Kontributi ynë në shoqëri.

Angazhimi i kolegëve tanë përtej punës së përditshme dhe dëshira e tyre për të qenë vullnetarë është një komponent kyç i kësaj strategjie si dhe mbështetja më e madhe. Iniciativat dhe idetë e secilit prej tyre pasqyrojnë më së miri përkushtimin maksimal për të rritur ndërgjegjësimin mbi çështjet mjedisore dhe sociale, duke krijuar një kulturë të përgjegjësisë sociale si brenda dhe jashtë bankës.