DEKLARATË PËR DHËNIEN E PËLQIMIT PËR PËRPUNIMIN E TË DHËNAVE PERSONALE

Në përputhje me ligjin nr. 124/2024 “Për mbrojtjen e të dhënave personale” (“Ligji”), si dhe udhëzimin nr. 4, datë 30.04.2025, të Komisionerit për të Drejtën e Informimit dhe Mbrojtjen e të Dhënave Personale (“Komisioneri”), jap pëlqimin tim të shprehur dhe të qartë për përpunimin e të dhënave të mia personale nga Banka OTP Albania sh.a. (“Banka ose “OBA”) për qëllimet e përcaktuara në këtë deklaratë dhe Informacionin mbi Privatësinë dhe Mbrojtjen e të Dhënave Personale dhe deklaroj si vijon:

Deklaroj se i gjithë informacioni dhënë Bankës prej meje është i saktë dhe i vërtetë dhe jam dakord që të dhënat e mia të përpunohen për qëllime marketingu të drejpërdrejtë në përputhje me kuadrin ligjor dhe nënligjor të zbatueshëm.
Pranoj dhe jap pëlqimin që, nëse do të jetë e zbatueshme, Banka të transferojë të dhënat e mia te OTP Bank Plc., Hungari (banka mëmë), për qëllimet e përcaktuara në këtë deklaratë dhe Informacionin mbi Privatësinë dhe Mbrojtjen e të Dhënave Personale. OBA dhe OTP Bank Plc. më garantojnë se janë marrë të gjitha masat teknike-organizative për trajtimin e sigurtë të të dhënave të mia në përputhje me kuadrin ligjor dhe nënligjor të zbatueshëm.
Pranoj dhe jap pëlqimin që kur Banka vlerëson të kontraktojë palë të treta për realizimin e komunikimeve të marketingut, të dhënat të përpunohen nga këto shoqëri, vetëm në funksion të qëllimit dhe marrëdhënies kontraktuale me Bankën dhe janë subjekt i masave mbrojtëse përkatëse.
Pranoj dhe jap pëlqimin që Banka, për qëllime të marketingut të drejtpërdrejtë, të më kontaktojë duke përdorur të gjitha format e komunikimit elektronik/telefonik si: SMS, e- mail, telefon, faks, postë, kanale digjitale, etj., në adresat dhe format e kontaktit të deklaruara prej meje.
Deklaroj se jam informuar mbi të drejtat e mia sipas Ligjit (e drejta për informim, e drejta për akses, e drejta për korrigjim dhe fshirje, e drejta për t’u harruar, e drejta për kufizimin e përpunimit, e drejta për transferueshmërinë e të dhënave, e drejta për të kundërshtuar, e drejta për të mos iu nënshtruar vendimeve automatike, e drejta për t’u ankuar, e drejta për kompensimin e dëmit) dhe se mund t’i ushtroj këto të drejta duke kontaktuar Bankën dhe se kam të drejtë t’i ankohem te Komisionerit.
Deklaroj se jam informuar se mund ta tërheq këtë pëlqim në çdo kohë. Tërheqja e pëlqimit nuk ndikon në ligjshmërinë e përpunimit të kryer para tërheqjes. Kërkesa për tërheqje mund të bëhet duke kontaktuar Bankën.
Këtë deklaratë e lëshoj me vullnet të lirë dhe me qëllim përpunimin e të dhënave personale nga Banka për qëllime të marketingut të drejtpërdrejtë.
Deklaroj se jam informuar mbi dhe pranoj përmbajtjen e Informacionit mbi Privatësinë dhe Mbrojtjen e të Dhënave Personale, që mund të gjendet këtu.

INFORMACION MBI PRIVATËSINË DHE MBROJTJEN E TË DHËNAVE PERSONALE

Hyrje

Banka OTP Albania sh.a. (“Banka/OBA”, “ne”, “Kontrolluesi”) e konsideron mbrojtjen e të dhënave personale një çështje të një rëndësie të lartë, si nga pikëpamja e rëndësisë ligjore, ashtu dhe nga pikëpamja e ruajtjes së privatësisë dhe të drejtave të subjektit të të dhënave personale (“subjekti i të dhënave”, “ju”). Ne jemi të përkushtuar për të mbrojtur të dhënat tuaja personale dhe respektuar privatësinë tuaj. Në këtë dokument (“Informacioni”) ne kemi përmbledhur informacionin në lidhje me mbrojtjen e të dhënave personale që Banka mbledh për qëllime të marketingut të drejtpërdrejtë (“marketingu”), duke përfshirë pa kufizim, kategoritë e të dhënave personale që mbledhim dhe pse i përpunojmë, për sa kohë i mbajmë ato, cilat janë të drejtat tuaja në lidhje me të dhënat personale dhe si mund t’i ushtroni ato.

Të dhënat personale përpunohen në përputhje me parashikimet e ligjit nr. 124/2024 “Për mbrojtjen e të dhënave personale” (“Ligji”) dhe me aktet nënligjore të zbatueshme. Përpunimi kryhet sipas parimit të respektimit dhe të garantimit të të drejtave dhe lirive themelore të njeriut dhe në veçanti të së drejtës së ruajtjes së jetës private. Banka ka marrë të gjitha masat teknike dhe organizative për mbrojtjen e të dhënave personale dhe për zbatimin e të gjitha detyrimeve që burojnë nga kuadri ligjor dhe nënligjor në fuqi.

Baza ligjore e këtij Informacioni është legjislacioni i zbatueshëm në fushën e mbrojtjes së të dhënave personale, duke përfshirë pa kufizim, ligjin nr. 124/2024 “Për mbrojtjen e të dhënave personale”, udhëzimet dhe vendimet e Komisionerit për të Drejtën e Informimit dhe Mbrojtjen e të Dhënave Personale (“Komisioneri”), etj.

Qëllimi i Informacionit është t’u ofrojë subjekteve të të dhënave informacion të plotë mbi përpunimin e të dhënave të tyre personale për qëllime të marketingut të drejtpërdrejtë. Duke klikuar “Pranoj që OTP Bank Albania të përpunojë të dhënat e mia personale, dhe të më kontaktojë apo njoftojë për qëllime marketingu të drejtpërdrejtë nëpërmjet postës, telefonit, emailit, SMS dhe/ose kanaleve të tjera digjitale. Konfirmoj se kam lexuar, bie dakord me dhe pranoj parashikimet e Deklaratës për dhënien e pëlqimit dhe Informacionit mbi privatësinë dhe mbrojtjen e të dhënave personale”, ju konfirmoni se keni lexuar, bini dakord me dhe pranoni parashikimet e këtij Informacioni. Ky dokument mund të ndryshojë dhe/ose përditësohet në të ardhmen, megjithatë në asnjë rast nuk do të kufizohen të drejtat e garantuara nga Ligji. Është përgjegjësia juaj të lexoni dhe të jeni në dijeni të versionit në fuqi të këtij dokumenti.

1. Informacion në lidhje me kontrolluesin dhe strukturën përgjegjëse për mbrojtjen e të dhënave

Emri i kontrolluesit: Adresa:

Email: Telefon:

Banka OTP Albania sh.a.
Bulevardi “Bajram Curri”, Godina “Down Town”, kati 8, Tiranë, Shqipëri
info@otpbank..al
0800 4848

Website: www.otpbank.al

Nëse keni ndonjë pyetje në lidhje me mbrojtjen ose përpunimin e të dhënave personale, mund të kontaktoni Sektorin e Përputhshmërisë të Bankës në adresën e email-it “compliance@otpbank.al” ose në numrin e telefonit 0800 4848.

2. Parimet e përgjithshme të përpunimit të të dhënave personale

Përpunimi i të dhënave personale bëhet duke respektuar parimet e mëposhtme:

parimi i ligjshmërisë, i drejtësisë dhe i transparencës,
parimi i përpunimit në përputhje me qëllimin,
parimi i minimizimit të të dhënave,
parimi i saktësisë së të dhënave,
parimi i kufizimit të ruajtjes në kohë,
parimi i integritetit dhe i konfidencialitetit,
parimi i përgjegjshmërisë.

3. Ç’të dhëna mbledhim dhe përpunojmë

Për qëllime marketingu, ne mbledhim dhe përpunojmë:

të dhëna identifikimi:
emër
mbiemër
informacione kontakti:
numër telefoni
e-mail

Informacion në lidhje me marrëdhënien tuaj me Bankën, marrëdhënie punësimi dhe kredi të tjera ekzistuese:

nëse jeni klient ekzistues i Bankës
nëse keni kredi në banka të tjera
nëse keni kredi në institucione të tjera financiare • sa muaj jeni i punësuar me siguracione

4. Pse përpunojmë të dhëna personale dhe mbi ç’baza ligjore

Ne jemi të përkushtuar të përpunojmë të dhënat personale vetëm mbi baza ligjore dhe për qëllimet e zgjedhura: marketingu i drejtpërdrejtë. Subjekti i të dhënave mund të jetë ose jo klient i Bankës.

Ne përpunojmë të dhëna personale për qëllime të marketingut të drejtpërdrejtë në bazë të dhënies së pëlqimit nga subjekti për përpunimin e të dhënave personale (Neni 7, pika 1, shkronja a) i Ligjit) dhe për interesa legjitime të bankës në lidhje me kryerjen e aktiviteteve të saj për fushata/njoftime marketingu (p.sh. oferta, lajme, ftesa, njoftime për shorte, ankesa, anketa dhe mesazhe të ngjashme nëpërmjet postës, telefonit, emailit, SMS dhe/ose kanaleve të tjera digjitale) (Neni 7, pika 1 shkronja dh) i Ligjit) për shërbime/produkte të ndryshme të ofruara nga Banka dhe zhvillimin e produkteve/shërbimeve të reja dhe/ose përmirësimin e atyre ekzistuese, rritjen e kënaqësisë së

klientit, rritjen e bazës së klientëve dhe rritjen e bazës së klientëve besnikë të markës OTP. Të dhënat përpunohen në mënyrë elektronike.

Lidhja e një kontrate ose ofrimi i shërbimeve ose produkteve bankare/financiare nuk kushtëzohet nga dhënia e pëlqimit për qëllime marketingu. Dhënia e pëlqimit është vullnetare dhe nëse vendosni të mos e jepni atë ose më vonë të tërhiqni pëlqimin tuaj, kjo nuk do të zvogëlojë në asnjë mënyrë të drejtat tuaja që rrjedhin nga marrëdhënia juaj e biznesit që mund të keni me Bankën dhe nuk do të nënkuptojë ndonjë kosto shtesë për ju.

Nëse tërhiqni pëlqimin tuaj për përpunimin e të dhënave personale për qëllime marketingu ose nëse kundërshtoni përpunimin e të dhënave personale për qëllime marketingu, Banka nuk do t’i përdorë më të dhënat tuaja për qëllime marketingu të drejtpërdrejtë.

Nëse dëshironi të tërhiqni pëlqimin tuaj për qëllim marketingu apo të kundërshtoni përpunimin e të dhënave tuaja për këtë qëllim, mund ta bëni këtë në çdo kohë duke kontaktuar Bankën në një nga kontaktet dhe format e parashikuara këtu.

5. Cilët janë përpunuesit e të dhënave tuaja personale

Të dhënat personale të dhëna Bankës mund të përpunohen nga punonjësit e saj dhe Bankës Mëmë si dhe nga punonjësit e partnerëve/përpunuesve kontraktualë të Bankës (p.sh. ofrues shërbimesh të teknologjisë së informacionit dhe komunikimit, ofrues shërbimesh njoftimi përmes mjeteve të komunikimeve elektronike, etj.), të cilët janë të detyruar të respektojnë dhe mbrojnë të dhënat tuaja personale në bazë të legjislacionit të zbatueshëm në fushën e punësimit, mbrojtjes së të dhënave personale dhe kontratave për përpunimin e të dhënave dhe/ose marrëveshjeve të konfidencialitetit, në përputhje me legjislacionin për mbrojtjen e të dhënave personale dhe kuadrin ligjor-rregullator të zbatueshëm. Përdoruesit u nënshtrohen autorizimeve dhe të drejtave të aksesit përkatëse.

Në raste të caktuara, përcaktuar nga kuadri ligjor-rregullator i zbatueshëm, ne mund t’ua japim të dhënat tuaja personale autoriteteve publike, gjykatave apo palëve të treta, nëse është e nevojshme për përmbushjen e detyrimeve tona ligjore ose kontraktuale (p.sh. Banka e Shqipërisë). Me kusht që këto subjekte të kenë specifikuar qëllimin/fushështrirjen e saktë të të dhënave, Banka do t’ua zbulojë të dhënat personale këtyre subjekteve vetëm nëse dhe në masën që është rreptësisht e nevojshme për zbatimin e qëllimit të hetimit dhe kur përmbushja e kërkesës përcaktohet me ligj.

Të gjithë përdoruesit janë të detyruar të respektojnë dhe mbrojnë të dhënat tuaja personale në përputhje me Ligjin dhe kuadrin ligjor-rregullator të zbatueshëm.

6. Transferimi i të dhënave

Kur kryhet transferim i të dhënave, ai bëhet sipas parashikimeve ligjore përkatëse, duke përmendur pa kufizim, ato për nivelin e mbrojtjes së të dhënave personale në shtetin ku transferohen të dhëna. Banka siguron se nuk do të transferojë të dhëna pa bazën e duhur ligjore apo pëlqimin tuaj.

Transferimi i të dhënave bëhet nëse është i nevojshëm, për qëllimet e kryerjes së aktiviteteve të Bankës, sipas parashikimeve të Ligjit, te OTP Bank Plc., Hungari (banka mëmë).

Ç.

OBA dhe OTP Bank Plc. zbatojnë masa teknike-organizative për mbrojtjen e të dhënave në përputhje me legjislacionin e zbatueshëm dhe standardet më të larta të sigurisë. Subjekti i të dhënave mund të kërkojë në çdo moment pranë Bankës kopje të të dhënave të tij.

7. Për sa kohë i mbajmë të dhënat personale

Banka mban dhe mbron të dhënat tuaja personale në një mënyrë që parandalon përhapjen e pajustifikuar të të dhënave tuaja te personat e paautorizuar. Ne i mbajmë të dhënat personale vetëm për aq kohë sa është e nevojshme për të arritur qëllimin për të cilin janë mbledhur. Periudha e ruajtjes varet nga baza mbi të cilën janë përpunuar të dhënat dhe qëllimin e përpunimit.

Të dhënat e përpunuara në bazë të pëlqimit tuaj ose për interesa legjitime do të ruhen deri në tërheqjen e pëlqimit/kërkesën tuaj për fshirjen e të dhënave, ose derisa të jetë përmbushur qëllimi për të cilin janë dhënë, dhe në rastet kur jeni klient i Bankës për 5 (pesë) vjet pas datës së përfundimit të marrëdhënies financiare me ju. Legjislacioni i zbatueshëm mund të përmbajë parashikime për zgjatje të këtyre afateve për arsye ligjore.

8. Të drejtat e subjektit të të dhënave

Subjektet e të dhënave personale kanë të gjitha të drejtat e njohura nga Ligji:

e drejta për informim,
e drejta për akses,
e drejta për korrigjim dhe fshirje,
e drejta për t’u harruar,
e drejta për kufizimin e përpunimit,
e drejta për transferueshmërinë e të dhënave,
e drejta për të kundërshtuar,
e drejta për të mos iu nënshtruar vendimeve automatike,
e drejta për t’u ankuar,
e drejta për kompensimin e dëmit.

Këto të drejta ushtrohen në formën dhe afatet e parashikuar nga Ligji.

8.1 E drejta për informim

Kur të dhënat personale mblidhen me bashkëpunimin e subjektit të të dhënave dhe subjekti i të dhënave nuk e ka informacionin e përmendur më poshtë, kontrolluesi i jep atij informacionin e mëposhtëm lidhur me:

a) identitetin dhe të dhënat e kontaktit të kontrolluesit dhe, sipas rastit, të dhënat e kontaktittë përfaqësuesit, si dhe të nëpunësit të mbrojtjes së të dhënave të kontrolluesit;
b) qëllimet e përpunimit për të cilat janë të destinuara të dhënat personale, si dhe bazën ligjorepër përpunimin;
c) ekzistencën dhe logjikën e vendimmarrjes automatike dhe profilizimit, sipas parashikimeve të Ligjit, dhe, të paktën, në ato raste, informacionin e duhur lidhur me logjikën përkatëse, si dhe rëndësinë e pasojat e parashikuara të këtij përpunimi për subjektin e të dhënave;

d) periudhën e parashikuar të mbajtjes së të dhënave personale ose, nëse kjo nuk është emundur, kriteret e përdorura për të përcaktuar këtë periudhë;
e) ekzistencën e së drejtës për të tërhequr pëlqimin në çdo kohë, pa ndikuar në ligjshmërinë e përpunimit, bazuar në pëlqimin para tërheqjes së tij, kur përpunimi kryhet mbi bazën e pëlqimit dhe të interesit të ligjshëm të kontrolluesit ose të palës së tretë, kur përpunimi kryhet mbi bazën e një interesi të ligjshëm;
f) informacion, nëse subjekti i të dhënave është i detyruar ose jo të japë të dhënat dhe nëse dhënia e të dhënave personale është detyrim që buron nga legjislacioni në fuqi, kushtet e kontratës apo kushtet për të hyrë në një marrëdhënie kontraktore, si dhe pasojat e mundshme nga mosdhënia e këtyre të dhënave;
g) marrësit ose kategoritë e marrësve, nëse ka;
h) nëse të dhënat do të transferohen në vende të huaja dhe, nëse po, si garantohet mbrojtja eduhur, përfshirë informacionin për masat e përshtatshme të mbrojtjes dhe mënyrën me të
cilat mund të merret një kopje e tyre ose vendin ku ofrohen ato;
i) ushtrimin e të drejtave sipas Ligjit, si dhe për të drejtën për të paraqitur ankesë te Komisioneri.

8.2 E drejta për akses

Subjekti i të dhënave ka të drejtë të marrë nga kontrolluesi, jo më vonë se 30 (tridhjetë) ditë nga data e paraqitjes së kërkesës, një konfirmim nëse të dhënat personale në lidhje me të janë duke u përpunuar apo jo, si dhe, kur është rasti, të ketë akses në të dhënat personale dhe informacionin e mëposhtëm:

a) qëllimin e përpunimit;
b) ekzistencën dhe logjikën e vendimmarrjes automatike dhe të profilizimit dhe informacionine duhur lidhur me logjikën përkatëse, si dhe rëndësinë e pasojat e parashikuara të këtij
përpunimi për subjektin e të dhënave;
c) afatin e parashikuar të ruajtjes së të dhënave personale ose, nëse kjo nuk është e mundur,kriteret që përdoren për të përcaktuar këtë afat;
d) bazën ligjore të përpunimit;
e) kategoritë e të dhënave personale në fjalë, duke përfshirë, në rastet kur të dhënat personalenuk janë mbledhur nga subjekti i të dhënave, çdo informacion të disponueshëm për burimin
e këtyre të dhënave;
f) marrësit ose kategoritë e marrësve, të cilëve u janë përhapur ose do t’u përhapen të dhënat personale, në veçanti, marrësit në vendet e huaja ose organizatat ndërkombëtare, përfshirë rastin kur të dhënat transferohen në vende të huaja dhe, nëse po, si sigurohet mbrojtja e duhur;
g) ekzistencën e të drejtave sipas Ligjit dhe të drejtën për të paraqitur ankesë te Komisioneri.

Kontrolluesi i ofron falas subjektit të të dhënave një kopje të listës së kategorive të të dhënave të përpunuara, duke treguar përmbajtjen e secilës kategori, që lidhet me subjektin e të dhënave dhe pa cenuar të drejtat dhe liritë themelore të personave të tjerë. Për çdo kopje të mëvonshme të kërkuar nga subjekti i të dhënave, kontrolluesi mund të aplikojë një tarifë të arsyeshme në bazë të kostove administrative. Kur subjekti i të dhënave e bën kërkesën me mjete elektronike dhe nuk ka përcaktuar formë tjetër në të cilën kërkohet përgjigjja, informacioni ofrohet në formën elektronike që përdoret zakonisht.

DH.

8.3 E drejta për korrigjim dhe fshirje

Subjekti i të dhënave ka të drejtën e korrigjimit nga kontrolluesi i të dhënave personale të pasakta, që lidhen me të sa më shpejt të jetë e mundur, por jo më vonë se 30 (tridhjetë) ditë nga data e marrjes së kërkesës. Në përputhje me qëllimet e përpunimit, subjekti i të dhënave ka të drejtën e plotësimit të të dhënave personale jo të plota edhe me anë të një deklarate plotësuese.

Subjekti i të dhënave ka të drejtën e fshirjes nga kontrolluesi i të dhënave personale që lidhen me të dhe kontrolluesi ka detyrimin të fshijë të dhënat personale sa më shpejt të jetë e mundur, jo më vonë se 30 (tridhjetë) ditë nga data e marrjes së kërkesës, në rastet kur:

a) të dhënat personale nuk janë më të nevojshme për qëllimet për të cilat ato janë mbledhurose përpunuar;
b) subjekti i të dhënave e tërheq pëlqimin mbi të cilin bazohet përpunimi dhe nuk ka shkaktjetër ligjor për përpunimin;
c) subjekti i të dhënave e kundërshton përpunimin, në pajtim ligjin;
d) të dhënat personale janë përpunuar në mënyrë të paligjshme;
e) të dhënat personale duhet të fshihen për të përmbushur një detyrim ligjor të kontrolluesit;
f) të dhënat personale janë mbledhur në kuadër të ofrimit në internet të mallrave ose të

Lidhur në të.

shërbimeve siç parashikohet në ligj.
me këtë të drejtë, Ligji parashikon disa përjashtime në rastet e përpunimit të përmendura

8.4 E drejta për t’u harruar

Kur Kontrolluesi ka publikuar të dhëna personale dhe sipas Ligjit detyrohet t’i fshijë ato, bazuar në teknologjinë e zbatueshme dhe në koston e zbatimit, ndërmerr hapa të arsyeshëm, përfshirë masat teknike, për të informuar kontrolluesit që janë duke përpunuar këto të dhëna personale, që subjekti i të dhënave ka kërkuar fshirjen e çdo lidhjeje, kopjeje ose riprodhimi të këtyre të dhënave personale.

Me kërkesën e subjektit të të dhënave, operatorët e motorëve të kërkimit në internet janë të detyruar të fshijnë nga rezultatet që shfaqen pas një kërkimi të kryer në bazë të emrit të subjektit të të dhënave informacionin, i cili nuk është më aktual me kalimin e kohës, por që, kur gjendet, ka një ndikim negativ të konsiderueshëm në reputacionin e subjektit të të dhënave.

8.5 E drejta për kufizimin e përpunimit

Subjekti i të dhënave ka të drejtë për kufizimin e përpunimit të të dhënave nga Kontrolluesi kur ekziston një nga rastet e mëposhtme:

a) subjekti i të dhënave kundërshton saktësinë e të dhënave të tij për një afat që i mundësonkontrolluesit të verifikojë saktësinë e të dhënave personale;
b) përpunimi është i paligjshëm dhe subjekti i të dhënave e kundërshton fshirjen e të dhënavepersonale dhe, në vend të saj, kërkon kufizimin e përdorimit të tyre;
c) kontrolluesit nuk i nevojiten më të dhënat personale për qëllimin e përpunimit, por kërkohen nga subjekti i të dhënave për paraqitjen e një kërkese apo ushtrimin ose mbrojtjen e një të drejte, detyrimi apo interesi të ligjshëm përpara gjykatës ose autoriteteve publike;

d) subjekti i të dhënave ka kundërshtuar përpunimin sipas Ligjit. Kufizimi zgjat përgjatë periudhës së nevojshme për verifikimin nëse arsyet e ligjshme të kontrolluesit kanë përparësi mbi ato të subjektit të të dhënave.

Kur përpunimi është kufizuar sipas paragrafit të mësipërm, me përjashtim të ruajtjes, të dhënat do të përpunohen vetëm:

a) pas marrjes së pëlqimit të subjektit të të dhënave;
b) për paraqitjen e një kërkese apo ushtrimin ose mbrojtjen e një të drejte, detyrimi apo interesitë ligjshëm përpara gjykatës ose autoriteteve publike;
c) për mbrojtjen e të drejtave të një personi tjetër fizik ose juridik, të cilat kanë përparësi mbitë drejtat e subjektit të të dhënave; ose
d) për një interes të rëndësishëm publik.

Kontrolluesi njofton paraprakisht subjektin e të dhënave për heqjen e kufizimit të përpunimit të tyre. Nëse kontrolluesi refuzon kërkesën, subjekti i të dhënave mund të paraqesë ankesë te Komisioneri dhe të kërkojë marrjen e një vendimi paraprak për kufizimin e përpunimit.

8.6 E drejta për transferueshmërinë e të dhënave

Kur të dhënat personale i jepen një kontrolluesi nga subjekti i të dhënave, me pëlqimin e tij ose për përmbushjen e një kontrate, dhe përpunimi kryhet me mjete automatike, subjekti i të dhënave ka të drejtën t’i marrë ato nga kontrolluesi në një format të strukturuar, të përdorur gjerësisht dhe të lexueshëm nga pajisjet dhe t’i transferojë pa pengesa tek një kontrollues tjetër.

Gjatë ushtrimit të së drejtës si më sipër, dhe kur është teknikisht e mundur, subjekti i të dhënave ka të drejtë që të dhënat e tij personale të transferohen drejtpërdrejt nga një kontrollues tek një kontrollues tjetër.

Ushtrimi i së drejtës për transferueshmërinë e të dhënave nuk cenon të drejtën për fshirjen e tyre sipas ligjit. E drejta për transferueshmërinë e të dhënave nuk mund të ushtrohet kur përpunimi i të dhënave është i nevojshëm për kryerjen e një detyre me interes publik ose kur kontrolluesit i është dhënë e drejta për të ushtruar funksione, detyra ose kompetenca publike në bazë të legjislacionit në fuqi. Ushtrimi i së drejtës për transferueshmërinë e të dhënave nuk duhet të cenojë të drejtat dhe liritë themelore të personave të tjerë.

8.7 E drejta për të kundërshtuar

Subjekti i të dhënave ka të drejtën të kundërshtojë në çdo kohë, për arsye që lidhen me situatën e tij të veçantë, përpunimin e të dhënave personale në lidhje me të, përfshirë profilizimin sipas parashikimeve ligjore. Kontrolluesi nuk do t’i përpunojë më të dhënat personale, me përjashtim të rastit kur provon se ka arsye të forta legjitime për përpunimin, të cilat mbizotërojnë mbi interesat, të drejtat dhe liritë e subjektit të të dhënave, veçanërisht kur kanë të bëjnë me paraqitjen e një kërkese apo ushtrimin ose mbrojtjen e një të drejte, detyrimi, apo interesi të ligjshëm përpara gjykatës, ose autoriteteve publike.

Kur të dhënat personale përpunohen për qëllime të marketingut të drejtpërdrejtë, subjekti i të dhënave ka të drejtë të kundërshtojë, në çdo kohë dhe pa u detyruar të shpjegojë arsyet, përpunimin e të dhënave të tij personale për këtë qëllim, që përfshin profilizimin për aq sa është i lidhur me të.

Pas ushtrimit të kësaj të drejte, Kontrolluesi është i detyruar të ndërpresë përpunimin e të dhënave personale për këtë qëllim.

Jo më vonë se gjatë komunikimit të parë me subjektin e të dhënave, kontrolluesi informon subjektin e të dhënave mbi të drejtën për të kundërshtuar në mënyrë të shprehur, të qartë dhe të veçuar nga informacionet e tjera.

8.8 E drejta për të mos iu nënshtruar vendimeve automatike

Subjekti i të dhënave ka të drejtë të mos jetë subjekt i një vendimi që bazohet vetëm në përpunimin automatik të të dhënave, përfshirë profilizimin, i cili shkakton pasoja ligjore ose pasoja të ngjashme të rënda mbi të.

Kjo nuk zbatohet nëse vendimi:

a) është i nevojshëm për lidhjen ose zbatimin e një kontrate ndërmjet subjektit të të dhënavedhe kontrolluesit; ose
b) autorizohet nga një ligj, të cilit i nënshtrohet kontrolluesi dhe që përcakton edhe masat e përshtatshme për të mbrojtur të drejtat e liritë dhe interesat legjitimë të subjektit të të dhënave; ose
c) bazohet në pëlqimin e dhënë nga subjekti, të cilit i përkasin të dhënat.

Në këto raste, kontrolluesi zbaton masa të përshtatshme për të mbrojtur të drejtat, liritë themelore dhe interesat e ligjshëm të subjektit të të dhënave, si dhe të drejtën e subjektit të të dhënave për ndërhyrje manuale nga ana e kontrolluesit për të shprehur këndvështrimin e tij dhe për të kundërshtuar vendimin.

8.9 E drejta për t’u ankuar

Çdo person që pretendon se i janë shkelur të drejtat, liritë dhe interesat e ligjshëm për të dhënat personale, ka të drejtë të ankohet ose të njoftojë Komisionerin dhe të kërkojë ndërhyrjen e tij për vënien në vend të së drejtës së shkelur. Nëse subjekti i të dhënave ka bërë ankim, kontrolluesi nuk ka të drejtë të ndryshojë të dhënat personale deri në dhënien e vendimit përfundimtar.

8.10 E drejta për kompensimin e dëmit

Çdo person, të cilit i është shkaktuar një dëm si rezultat i përpunimit të paligjshëm të të dhënave personale, ka të drejtë t’i kërkojë kontrolluesit kompensim, sipas rregullave të përcaktuara në Kodin Civil.

8.11 Ushtrimi i të drejtave

Ju mund të paraqisni një kërkesë për një të drejtë specifike në një mënyrë që ju lejon të identifikoheni duke kontaktuar Bankën në mënyrën e parashikuar këtu. Pra, për të përmbushur kërkesat për sigurinë e të dhënave dhe për të mbrojtur të drejtat e subjektit të të dhënave, Banka duhet të konfirmojë identitetin e subjektit të të dhënave ose identitetin e personit që dëshiron të ushtrojë ndonjë nga të drejtat. Banka do t’i përgjigjet çdo kërkese apo ankese sipas formës dhe procedurës të parashikuar nga Ligji brenda 30 (tridhjetë) ditësh nga data e marrjes së saj. Kjo periudhë mund të zgjatet deri në 60 (gjashtëdhjetë) ditë, kur është e nevojshme, duke marrë parasysh kompleksitetin dhe numrin e kërkesave të marra. Banka informon në mënyrë të arsyetuar subjektin e të dhënave për çdo zgjatje afati brenda 30 (tridhjetë) ditëve nga marrja e kërkesës së bashku me shkaqet e vonesës. Përgjigjja do të jetë me shkrim në adresën prej së cilës ka ardhur

kërkesa apo ankesa dhe/ose në formë elektronike kur kërkesa apo ankesa ka ardhur elektronikisht përveçse kur kërkohet ndryshe nga subjekti i të dhënave.

Subjekti i të dhënave ka të drejtën e pakushtëzuar të kundërshtojë përpunimin e të dhënave të tij për qëllime të marketingut të drejtpërdrejtë, dhe Banka do të ndalojë menjëherë përpunimin e këtyre të dhënave për këtë qëllim.

Komisioneri për të Drejtën e Informimit dhe Mbrojtjen e të Dhënave Personale

Adresa: Rr. “Abdi Toptani”, Nd. 5, Kodi postar 1001, Tiranë Tel: +355 42 23 7200
Nr. i Gjelbër: 0800 2050
email: info@idp.al

Nëse subjekti i të dhënave ka bërë ankim, kontrolluesi nuk ka të drejtë të ndryshojë të dhënat personale deri në dhënien e vendimit përfundimtar.

Gjithashtu, subjekti i të dhënave mund të ngrejë padi në gjykatë për shkelje të pretenduara në fushën e mbrojtjes së të dhënave personale. Gjykata kompetente do të jetë Gjykata e Tiranës.

9. Profilizimi

Banka mund të përdorë procese profilizimi në kuadër të marketingut të drejtpërdrejtë, veçanërisht kur subjekti i të dhënave është klient i Bankës. Banka nuk zbaton procese vendimmarrjeje automatike për qëllime marketingu të drejtpërdrejtë.

Banka mund të përdorë profilizimin në rastin kur subjekti i të dhënave është klient për fushata marketingut të personalizuara sipas përdoruesve të produkteve të ndryshme bankare.

Banka zbaton parashikimet ligjore lidhur me profilizimin dhe garanton mbrojtjen e të drejtave, lirive dhe interesave tuaja legjitime me masa mbrojtëse të përshtatshme.

Në çdo rast, subjekti i të dhënave ka të drejtë për ndërhyje njerëzore, për të shprehur këndvështrimin e tij dhe për të kundërshtuar vendimin e marrë mbi baza profilizimi. Kur subjekti i të dhënave ushtron të drejtën e kundërshtimit të përpunimit në këto rrethana, Banka është e detyruar të ndërpresë përpunimin e të dhënave personale për këtë qëllim.

10. Siguria e të dhënave personale

Sistemet IT dhe ambientet e tjera të ruajtjes së të dhënave të Bankës sonë ndodhen në ambientet e saj të regjistruara dhe në serverat e marrë me qira nga përpunuesi. Banka zgjedh dhe operon mjete dhe aplikacione IT për përpunimin e të dhënave personale në një mënyrë të tillë që të dhënat e përpunuara të jenë:

– të aksesueshme për personat e autorizuar (disponueshmëria);
– të besueshme dhe të autentifikuara (autenticiteti);
– të pandryshuara në mënyrë të verifikueshme (integriteti i të dhënave);
– të mbrojtura nga qasja e paautorizuar (konfidencialiteti).Ne tregojmë kujdes të veçantë për të garantuar sigurinë e të dhënave, marrim të gjitha masat teknike-organizative dhe miratojmë rregullat procedurale të nevojshme për zbatimin e mbrojtjeve të specifikuara në Ligjin Nr. 124/2024 “Për mbrojtjen e të dhënave personale” dhe kuadrin ligjor- rregullator të zbatueshëm. Ne marrim masa të përshtatshme për të mbrojtur të dhënat nga aksesi i paautorizuar, ndryshimi, transferimi, përhapja publike, fshirja ose shkatërrimi i paautorizuar, si dhe dëmtimi dhe humbja aksidentale, dhe sigurohemi që të dhënat e ruajtura të mos korruptohen ose të bëhen të paaksesueshme për shkak të ndonjë ndryshimi ose modifikimi në teknikën e aplikuar.
Sistemet tona të informacionit dhe të kontraktorëve tanë janë të mbrojtura nga mashtrimet e asistuara nga kompjuteri, viruset kompjuterike, aksesi i paautorizuar dhe sulmet e shpërndara të mohimit të shërbimit (DDoS). Për më tepër, Banka garanton sigurinë me anë të procedurave të sigurisë në nivel serveri dhe në nivel aplikacioni. Të dhënave u bëhet backup çdo ditë. Banka merr të gjitha masat e mundshme për të shmangur shkeljet në sigurinë e të dhënave personale dhe në rast të një shkeljeje të të dhënave, ajo ndërmerr veprime të menjëhershme për të minimizuar çdo rrezik dhe për të eliminuar çdo dëm, në përputhje me rregulloret tona të menaxhimit të incidenteve dhe kuadrin ligjor-rregullator të zbatueshëm.

11. Parashikime përfundimtare

Banka rezervon të drejtën për të ndryshuar ose plotësuar këtë Informacion për të siguruar përputhshmërinë me ligjet dhe rregulloret për mbrojtjen e të dhënave personale dhe kuadrin ligjor- rregullator të zbatueshëm. Versioni më i fundit i vlefshëm i Informacionit është i disponueshëm në të gjitha degët e Bankës dhe në faqen e saj të internetit (www.otpbank.al).

Çdo gjë që nuk parashikohet posaçërisht në këtë Informacion i nënshtrohet dispozitave të legjislacionit në fuqi.