Politika e Privatësisë së Faqes së Internet

POLITIKA E PRIVATËSISË SË FAQES SË INTERNETIT TË OTP BANK ALBANIA SH.A.

Përditësimi i fundit: Tetor 2025

I nderuar vizitor,

Faleminderit që po vizitoni faqen tonë të internetit. OTP Bank Albania sh.a. (“Banka”, “OBA”, “ne”, “jonë”, “Kontrolluesi”) është e përkushtuar të mbrojë të dhënat tuaja personale dhe të respektojë privatësinë e vizitorëve të faqes së internetit www.otpbank.al (“vizitor/ët”, “ti”, “tuaj”, “subjekt i të dhënave”). Ky dokument përbën politikën e privatësisë (“Politika e Privatësisë”/“Politika”) e kësaj faqeje interneti. Qëllimi i saj është njohja nga vizitorët e Faqes së Internetit të dispozitave të politikës së privatësisë dhe të dispozitave të përgjithshme mbi përpunimin e të dhënave personale. Përpunimi i të dhënave personale përmes Faqes së Internetit ndodh vetëm kur vizitorët i dërgojnë këto të dhëna Bankës me vullnetin e tyre të lirë. Kjo faqe interneti (“Faqja e Internetit”) rregullohet nga ligji shqiptar.

Kjo Politikë Privatësie shpjegon:

çfarë të dhënash (nëse ndodh) mbledhim kur përdorni faqen tonë të internetit otpbank.al dhe/ose bashkëveproni me ne në mënyrë dixhitale (p.sh., duke dërguar një ankesë, kërkesë për informacion apo duke aplikuar për një vend pune);
si mbledhim, përdorim, ndajmë dhe mbrojmë informacionin tuaj;
të drejtat tuaja sipas Ligjit nr. 124/2024 “Për mbrojtjen e të dhënave personale” (“Ligji”);
si mund të na kontaktoni për pyetje ose çështje të ndryshme.

Të dhënat personale përpunohen në përputhje me dispozitat e Ligjit dhe aktet nënligjore përkatëse në fuqi. Përpunimi kryhet sipas parimeve të respektimit dhe garantimit të të drejtave dhe lirive themelore të njeriut dhe në veçanti të së drejtës së privatësisë. Banka ka marrë masat e duhura teknike dhe organizative për mbrojtjen e të dhënave personale dhe për të zbatuar detyrimet ligjore dhe rregullatore.

Duke përdorur këtë Faqe Interneti dhe/ose duke na kontaktuar, ju konfirmoni se i keni lexuar, jeni dakord dhe pranoni parashikimet e kësaj Politike Privatësie. Ky dokument mund të ndryshohet dhe/ose përditësohet në të ardhmen, megjithatë, në asnjë rast nuk do të kufizohen të drejtat e garantuara nga Ligji. Është përgjegjësia juaj të lexoni dhe të jeni në dijeni të versionit aktual të këtij dokumenti.

KUSH JEMI NE

Banka është një institucion financiar i licencuar nga Banka e Shqipërisë.

Adresa: Bulevardi “Bajram Curri”, Godina “Down Town”, kati 8, Tiranë, Shqipëri
Kontakt: 0800 4848 info@otpbank.al
Nëpunësi i Mbrojtjes së të Dhënave: Elton Rroji, Elton.Rroji@otpbank.al, +35544538226

Nëse keni pyetje në lidhje me mbrojtjen apo përpunimin e të dhënave personale, mund të kontaktoni Sektorin e Përputhshmërisë së Bankës në adresën e email-it “compliance.sector@otpbank.al” ose në numrin e telefonit 0800 4848.

2. INFORMACION I PËRGJITHSHËM

Faqja e Internetit që po vizitoni ofron informacion mbi OTP Bank Albania sh.a., duke përfshirë pa kufizim, informacion mbi produktet dhe shërbimet e saj, politikat e përgjithshme, qeverisjen korporative, vendet e lira të punës, mënyrën si të kontaktosh Bankën, etj.

Vizitorët e Faqes së Internetit mbeten anonimë. Faqja e Internetit nuk mbledh të dhëna personale, pra nuk mbledh informacion mbi identifikimin personal të personit tuaj (përveç kur ju e dërgoni këtë informacion me vullnetin tuaj të lirë).

Ju mund të dërgoni të dhënat tuaja specifike nëse na kontaktoni përmes formularëve/email-eve të kontaktit të disponueshme këtu. Ky informacion do të përdoret vetëm në përputhje me qëllimin për të cilin është dërguar. Duke na kontaktuar, vizitorët do të konsiderohen se kanë dhënë pëlqimin e tyre të qartë dhe të shprehur për përpunimin e të dhënave të tyre personale të dërguara prej tyre. Ky pëlqim mund të revokohet në çdo kohë.

Vizitorët pranojnë dhe bien dakord që Banka mund t’i kontaktojë, në të dhënat e kontaktit të dhëna prej tyre, me qëllim që t’u përgjigjet pyetjeve/kërkesave të tyre.

Baza ligjore e kësaj Politike është legjislacioni në fuqi në fushën e mbrojtjes së të dhënave personale, duke përfshirë pa kufizim Ligjin nr. 124/2024 “Për mbrojtjen e të dhënave personale” dhe udhëzimet dhe vendimet e Komisionerit për të Drejtën e Informimit dhe Mbrojtjen e të Dhënave Personale (“Komisioneri”).

PARIMET E PËRPUNIMIT TË TË DHËNAVE PERSONALE

Përpunimi i të dhënave personale kryhet në përputhje me parimet si më poshtë:

parimi i ligjshmërisë, i drejtësisë dhe i transparencës: përpunimi kryhet në mënyrë të ligjshme, të drejtë e transparente kundrejt subjektit të të dhënave.
parimi i përpunimit në përputhje me qëllimin: të dhënat personale mblidhen për një qëllim specifik e të ligjshëm, të përcaktuar qartë në momentin e mbledhjes, dhe nuk përpunohen më tej për një qëllim tjetër, që nuk është në përputhje me qëllimin fillestar.
parimi i minimizimit të të dhënave: të dhënat personale janë të përshtatshme e të nevojshme për qëllimin e përpunimit dhe të kufizuara në masën që është e nevojshme për realizimin e qëllimit.
parimi i saktësisë së të dhënave: të dhënat personale janë të sakta e të përditësuara kur kjo është e nevojshme, si dhe, në përputhje me qëllimin e përpunimit, ndërmerren të gjithë hapat e nevojshëm për fshirjen e korrigjimin e menjëhershëm të të dhënave të pasakta ose të paplota.
parimi i kufizimit të ruajtjes në kohë: të dhënat personale mbahen në një formë që lejon identifikimin e subjekteve të të dhënave për një periudhë jo më të gjatë se sa është e nevojshme për qëllimin për të cilin ato përpunohen.
parimi i integritetit dhe i konfidencialitetit: të dhënat personale përpunohen në mënyrë të tillë që të garantohet siguria e nevojshme e të dhënave personale, duke përfshirë mbrojtjen nga përpunimi i paautorizuar ose i paligjshëm dhe humbja, shkatërrimi ose dëmtimi aksidental, nëpërmjet përdorimit të masave të duhura teknike dhe organizative.

parimi i përgjegjshmërisë: kontrolluesi është përgjegjës dhe duhet të jetë në gjendje të provojë përputhshmërinë me parimet e parashikuara këtu.

3. ÇFARË TË DHËNASH MBLEDHIM

Ne mbledhim informacione personale që ju na jepni vullnetarisht kur bashkëveproni me ne duke plotësuar formularët në Faqen e Internetit dhe/ose kur na kontaktoni. Informacioni personal varet nga konteksti i bashkëveprimit tuaj me ne dhe mund të përfshijë:

Të dhënat identifikimi: emër, mbiemër.
Të dhëna kontakti: email, numër telefoni.
Mesazhe, pyetje dhe/ose kërkesa për suport klienti: ju mund të na jepni me dëshirë informacione (p.sh. financiare) kur na kontaktoni.
Informacion i Curriculum Vitae: duke na dërguar CV-në tuaj, ju mund të ndani me ne informacionin që përmbahet në të siç është data e lindjes, arsimi dhe historiku i punësimit, etj.

Nuk mblidhet asnjë informacion në lidhje me identifikimin e vizitorëve të Faqes së Internetit. Dhënia e të dhënave personale të përmbajtura në formularët në këtë Faqe Interneti dhe/ose email-et që na dërgohen nuk është e detyrueshme. Megjithatë, duhet theksuar se mosdhënia e këtij informacioni mund ta bëjë të pamundur për ne të pëmbushim një kërkesë apo të pranojmë një aplikim për punë.

Duke na kontaktuar, vizitorët do të konsiderohen se kanë dhënë pëlqimin e tyre të qartë dhe të shprehur për përpunimin e të dhënave personale që ata zgjedhin të dërgojnë. Vërtetësia dhe saktësia e këtyre të dhënave është përgjegjësi e vizitorit.

4. SI E PËRDORIM INFORMACIONIN TUAJ

Ne i përpunojmë të dhënat tuaja për:

Të komunikuar me ju (për t’ju përgjigjur ankesave/kërkesave tuaja).
T’ju dhënë mundësinë të aplikoni për një vend pune pranë nesh.
Të përmbushur detyrimet ligjore dhe rregullatore.
Nëse është e zbatueshme, për të përmirësuar produktet/shërbimet dhe për të dërguar komunikime të lidhura me produktet/shërbimet (ne do të kërkojmë pëlqimin tuaj për mesazhet e marketingut).

Banka nuk përdor profilizim ose vendimmarrje automatike për qëllimet e kësaj Politike.

5. BAZA LIGJORE PËR PËRPUNIMIN

Ne i përpunojmë të dhënat tuaja sipas bazave ligjore të mëposhtme (Neni 7 i Ligjit):

Përmbushja e një kontrate: kur jeni klient, për t’ju ofruar suport për produktet dhe shërbimet tona.
Interesi legjitim: për të dhënë informacion mbi Bankën dhe produktet/shërbimet që ajo ofron, për të përmirësuar produktet/shërbimet tona, për të gjetur kandidatë për punësim, për të gjeneruar klientë potencialë (për të rritur kënaqshmërinë e klientëve, numrin e tyre, etj.), për të parandaluar mashtrimet, për të menaxhuar kërkesat e klientëve, etj.
Detyrimi ligjor: ku është e zbatueshme, për të përmbushur detyrimet ligjore ndaj të cilave Banka është subjekt.
Pëlqimi: për marketing, për të aplikuar tek ne për vende të lira pune dhe shërbime opsionale. Mund të merrni informacion mbi pëlqimin për marketing dhe informacion mbi privatësinë këtu.

PËRHAPJA E TË DHËNAVE TUAJA

Ne mund t’i ndajmë të dhënat tuaja personale me:

Autoritetet rregullatore, organet ligjzbatuese ose gjykatat (kur kërkohet me ligj).
Kompaninë mëmë (OTP Bank Hungary Plc.) dhe/ose ofruesit e shërbimeve të angazhuar nga Banka gjatë ushtrimit të aktiviteteve të saj, sipas marrëveshjeve për mbrojtjen e të dhënave.

Ne kurrë nuk do t’ua shesim të dhënat tuaja palëve të treta.

CILËT JANË PËRPUNUESIT E TË DHËNAVE TUAJA PERSONALE

Të dhënat personale të dhëna Bankës mund të përpunohen nga punonjësit e saj dhe ata të Kompanisë Mëmë, si dhe nga punonjësit e partnerëve kontraktualë/përpunuesve të Bankës (p.sh. ofruesit e shërbimeve të teknologjisë së informacionit dhe komunikimit, ofruesit e shërbimeve të njoftimit të komunikimeve elektronike, etj.), të cilët janë të detyruar të respektojnë dhe mbrojnë të dhënat tuaja personale bazuar në legjislacionin në fuqi në fushën e punësimit, mbrojtjes së të dhënave personale dhe kontratat për përpunimin e të dhënave dhe/ose marrëveshjet e konfidencialitetit, në përputhje me legjislacionin për mbrojtjen e të dhënave personale dhe kuadrin ligjor-rregullator në fuqi.

Përdoruesit u nënshtrohen autorizimeve dhe të drejtave përkatëse të aksesit. Të gjithë përdoruesit janë të detyruar të respektojnë dhe mbrojnë të dhënat tuaja personale në përputhje me Ligjin dhe kuadrin ligjor-rregullator në fuqi.

6. TRANSFERIMI NDËRKOMBËTAR I TË DHËNAVE

Nëse të dhënat tuaja transferohen jashtë Zonës Ekonomike Evropiane (ZEE), ne sigurojmë mbrojtje të përshtatshme përmes masave mbrojtëse të miratuara nga BE-ja (p.sh., Klauzola Standarde Kontraktuale, që transferimi të bëhet në përputhje me dispozitat ligjore përkatëse). Banka siguron që nuk do të transferojë të dhëna pa bazën e duhur ligjore ose pëlqimin tuaj.

Transferimi i të dhënave bëhet, nëse është e nevojshme, për qëllime të kryerjes së aktiviteteve nga Banka, sipas dispozitave të Ligjit, te OTP Bank Plc., Hungari (kompania mëmë). OBA dhe OTP Bank Plc. zbatojnë masa tekniko-organizative për mbrojtjen e të dhënave në përputhje me legjislacionin në fuqi dhe standardet më të larta të sigurisë. Subjekti i të dhënave mund të kërkojë një kopje të të dhënave të tij nga Banka në çdo kohë.

7. PËR SA KOHË I RUAJMË TË DHËNAT TUAJA

Banka i ruan dhe i mbron të dhënat tuaja personale në një mënyrë që parandalon zbulimin e pajustifikuar të të dhënave tuaja personave të paautorizuar. Ne i ruajmë të dhënat personale vetëm për aq kohë sa është e nevojshme për të arritur qëllimin për të cilin janë mbledhur. Periudha e ruajtjes varet nga baza mbi të cilën përpunohen të dhënat dhe qëllimi i përpunimit. Pas kësaj periudhe, të dhënat tuaja do të fshihen ose anonimizohen në mënyrë të sigurt.

Të dhënat e përpunuara në bazë të pëlqimit tuaj ose për interesa legjitime do të ruhen deri në revokimin e pëlqimit/kërkesës tuaj për fshirje, ose deri në përmbushjen e qëllimit për të cilin janë mbledhur, dhe në rastet kur jeni klient i Bankës për 5 (pesë) vjet pas datës së përfundimit të marrëdhënies financiare me ju. Legjislacioni i zbatueshëm mund të përmbajë dispozita për zgjatjen e këtyre afateve për arsye ligjore.

8. TË DREJTAT TUAJA

Ju keni të drejtat:

e drejta për informim,
e drejta për akses,
e drejta për korrigjim dhe fshirje,
e drejta për t’u harruar,
e drejta për kufizimin e përpunimit,
e drejta për transferueshmërinë e të dhënave,
e drejta për të kundërshtuar,
e drejta për të mos iu nënshtruar vendimeve automatike,
e drejta për t’u ankuar,
e drejta për kompensimin e dëmit.

Këto të drejta ushtrohen në formën dhe afatet e parashikuar nga Ligji.

IX.1 E drejta për informim

Kur të dhënat personale mblidhen me bashkëpunimin e subjektit të të dhënave dhe subjekti i të dhënave nuk e ka informacionin e përmendur më poshtë, kontrolluesi i jep atij informacionin e mëposhtëm lidhur me:

identitetin dhe të dhënat e kontaktit të kontrolluesit dhe, sipas rastit, të dhënat e kontaktit të përfaqësuesit, si dhe të nëpunësit të mbrojtjes së të dhënave të kontrolluesit;
qëllimet e përpunimit për të cilat janë të destinuara të dhënat personale, si dhe bazën ligjore për përpunimin;
ekzistencën dhe logjikën e vendimmarrjes automatike dhe profilizimit, sipas parashikimeve të Ligjit, dhe, të paktën, në ato raste, informacionin e duhur lidhur me logjikën përkatëse, si dhe rëndësinë e pasojat e parashikuara të këtij përpunimi për subjektin e të dhënave;
periudhën e parashikuar të mbajtjes së të dhënave personale ose, nëse kjo nuk është e mundur, kriteret e përdorura për të përcaktuar këtë periudhë;
ekzistencën e së drejtës për të tërhequr pëlqimin në çdo kohë, pa ndikuar në ligjshmërinë e përpunimit, bazuar në pëlqimin para tërheqjes së tij, kur përpunimi kryhet mbi bazën e pëlqimit dhe të interesit të ligjshëm të kontrolluesit ose të palës së tretë, kur përpunimi kryhet mbi bazën e një interesi të ligjshëm;
informacion, nëse subjekti i të dhënave është i detyruar ose jo të japë të dhënat dhe nëse dhënia e të dhënave personale është detyrim që buron nga legjislacioni në fuqi, kushtet e kontratës apo kushtet për të hyrë në një marrëdhënie kontraktore, si dhe pasojat e mundshme nga mosdhënia e këtyre të dhënave;
marrësit ose kategoritë e marrësve, nëse ka;
nëse të dhënat do të transferohen në vende të huaja dhe, nëse po, si garantohet mbrojtja e duhur, përfshirë informacionin për masat e përshtatshme të mbrojtjes dhe mënyrën me të cilat mund të merret një kopje e tyre ose vendin ku ofrohen ato;
ushtrimin e të drejtave sipas Ligjit, si dhe për të drejtën për të paraqitur ankesë te Komisioneri.

IX.2 E drejta për akses

Subjekti i të dhënave ka të drejtë të marrë nga kontrolluesi, jo më vonë se 30 (tridhjetë) ditë nga data e paraqitjes së kërkesës, një konfirmim nëse të dhënat personale në lidhje me të janë duke u përpunuar apo jo, si dhe, kur është rasti, të ketë akses në të dhënat personale dhe informacionin e mëposhtëm:

qëllimin e përpunimit;
ekzistencën dhe logjikën e vendimmarrjes automatike dhe të profilizimit dhe informacionin e duhur lidhur me logjikën përkatëse, si dhe rëndësinë e pasojat e parashikuara të këtij përpunimi për subjektin e të dhënave;
afatin e parashikuar të ruajtjes së të dhënave personale ose, nëse kjo nuk është e mundur, kriteret që përdoren për të përcaktuar këtë afat;
bazën ligjore të përpunimit;
kategoritë e të dhënave personale në fjalë, duke përfshirë, në rastet kur të dhënat personale nuk janë mbledhur nga subjekti i të dhënave, çdo informacion të disponueshëm për burimin e këtyre të dhënave;
marrësit ose kategoritë e marrësve, të cilëve u janë përhapur ose do t’u përhapen të dhënat personale, në veçanti, marrësit në vendet e huaja ose organizatat ndërkombëtare, përfshirë rastin kur të dhënat transferohen në vende të huaja dhe, nëse po, si sigurohet mbrojtja e duhur;
ekzistencën e të drejtave sipas Ligjit dhe të drejtën për të paraqitur ankesë te Komisioneri.

Kontrolluesi i ofron falas subjektit të të dhënave një kopje të listës së kategorive të të dhënave të përpunuara, duke treguar përmbajtjen e secilës kategori, që lidhet me subjektin e të dhënave dhe pa cenuar të drejtat dhe liritë themelore të personave të tjerë. Për çdo kopje të mëvonshme të kërkuar nga subjekti i të dhënave, kontrolluesi mund të aplikojë një tarifë të arsyeshme në bazë të kostove administrative. Kur subjekti i të dhënave e bën kërkesën me mjete elektronike dhe nuk ka përcaktuar formë tjetër në të cilën kërkohet përgjigjja, informacioni ofrohet në formën elektronike që përdoret zakonisht.

IX.3 E drejta për korrigjim dhe fshirje

Subjekti i të dhënave ka të drejtën e korrigjimit nga kontrolluesi i të dhënave personale të pasakta, që lidhen me të sa më shpejt të jetë e mundur, por jo më vonë se 30 (tridhjetë) ditë nga data e marrjes së kërkesës. Në përputhje me qëllimet e përpunimit, subjekti i të dhënave ka të drejtën e plotësimit të të dhënave personale jo të plota edhe me anë të një deklarate plotësuese.

Subjekti i të dhënave ka të drejtën e fshirjes nga kontrolluesi i të dhënave personale që lidhen me të dhe kontrolluesi ka detyrimin të fshijë të dhënat personale sa më shpejt të jetë e mundur, jo më vonë se 30 (tridhjetë) ditë nga data e marrjes së kërkesës, në rastet kur:

të dhënat personale nuk janë më të nevojshme për qëllimet për të cilat ato janë mbledhur ose përpunuar;
subjekti i të dhënave e tërheq pëlqimin mbi të cilin bazohet përpunimi dhe nuk ka shkak tjetër ligjor për përpunimin;
subjekti i të dhënave e kundërshton përpunimin, në pajtim ligjin;
të dhënat personale janë përpunuar në mënyrë të paligjshme;
të dhënat personale duhet të fshihen për të përmbushur një detyrim ligjor të kontrolluesit;
të dhënat personale janë mbledhur në kuadër të ofrimit në internet të mallrave ose të shërbimeve siç parashikohet në ligj.

Lidhur me këtë të drejtë, Ligji parashikon disa përjashtime në rastet e përpunimit të përmendura në të.

IX.4 E drejta për t’u harruar

Kur kontrolluesi ka publikuar të dhëna personale dhe sipas Ligjit detyrohet t’i fshijë ato, bazuar në teknologjinë e zbatueshme dhe në koston e zbatimit, ndërmerr hapa të arsyeshëm, përfshirë masat teknike, për të informuar kontrolluesit që janë duke përpunuar këto të dhëna personale, që subjekti i të dhënave ka kërkuar fshirjen e çdo lidhjeje, kopjeje ose riprodhimi të këtyre të dhënave personale.

Me kërkesën e subjektit të të dhënave, operatorët e motorëve të kërkimit në internet janë të detyruar të fshijnë nga rezultatet që shfaqen pas një kërkimi të kryer në bazë të emrit të subjektit të të dhënave informacionin, i cili nuk është më aktual me kalimin e kohës, por që, kur gjendet, ka një ndikim negativ të konsiderueshëm në reputacionin e subjektit të të dhënave.

IX.5 E drejta për kufizimin e përpunimit

Subjekti i të dhënave ka të drejtë për kufizimin e përpunimit të të dhënave nga Kontrolluesi kur ekziston një nga rastet e mëposhtme:

subjekti i të dhënave kundërshton saktësinë e të dhënave të tij për një afat që i mundëson kontrolluesit të verifikojë saktësinë e të dhënave personale;
përpunimi është i paligjshëm dhe subjekti i të dhënave e kundërshton fshirjen e të dhënave personale dhe, në vend të saj, kërkon kufizimin e përdorimit të tyre;
kontrolluesit nuk i nevojiten më të dhënat personale për qëllimin e përpunimit, por kërkohen nga subjekti i të dhënave për paraqitjen e një kërkese apo ushtrimin ose mbrojtjen e një të drejte, detyrimi apo interesi të ligjshëm përpara gjykatës ose autoriteteve publike; ose
subjekti i të dhënave ka kundërshtuar përpunimin sipas Ligjit. Kufizimi zgjat përgjatë periudhës së nevojshme për verifikimin nëse arsyet e ligjshme të kontrolluesit kanë përparësi mbi ato të subjektit të të dhënave.

Kur përpunimi është kufizuar sipas paragrafit të mësipërm, me përjashtim të ruajtjes, të dhënat do të përpunohen vetëm:

pas marrjes së pëlqimit të subjektit të të dhënave;
për paraqitjen e një kërkese apo ushtrimin ose mbrojtjen e një të drejte, detyrimi apo interesi të ligjshëm përpara gjykatës ose autoriteteve publike;
për mbrojtjen e të drejtave të një personi tjetër fizik ose juridik, të cilat kanë përparësi mbi të drejtat e subjektit të të dhënave; ose
për një interes të rëndësishëm publik.

Kontrolluesi njofton paraprakisht subjektin e të dhënave për heqjen e kufizimit të përpunimit të tyre. Nëse kontrolluesi refuzon kërkesën, subjekti i të dhënave mund të paraqesë ankesë te Komisioneri dhe të kërkojë marrjen e një vendimi paraprak për kufizimin e përpunimit.

IX.6 E drejta për transferueshmërinë e të dhënave

Kur të dhënat personale i jepen një kontrolluesi nga subjekti i të dhënave, me pëlqimin e tij ose për përmbushjen e një kontrate, dhe përpunimi kryhet me mjete automatike, subjekti i të dhënave ka të drejtën t’i marrë ato nga kontrolluesi në një format të strukturuar, të përdorur gjerësisht dhe të lexueshëm nga pajisjet dhe t’i transferojë pa pengesa tek një kontrollues tjetër.

Gjatë ushtrimit të së drejtës si më sipër, dhe kur është teknikisht e mundur, subjekti i të dhënave ka të drejtë që të dhënat e tij personale të transferohen drejtpërdrejt nga një kontrollues tek një kontrollues tjetër.

Ushtrimi i së drejtës për transferueshmërinë e të dhënave nuk cenon të drejtën për fshirjen e tyre sipas ligjit. E drejta për transferueshmërinë e të dhënave nuk mund të ushtrohet kur përpunimi i të dhënave është i nevojshëm për kryerjen e një detyre me interes publik ose kur kontrolluesit i është dhënë e drejta për të ushtruar funksione, detyra ose kompetenca publike në bazë të legjislacionit në fuqi. Ushtrimi i së drejtës për transferueshmërinë e të dhënave nuk duhet të cenojë të drejtat dhe liritë themelore të personave të tjerë.

IX.7 E drejta për të kundërshtuar

Subjekti i të dhënave ka të drejtën të kundërshtojë në çdo kohë, për arsye që lidhen me situatën e tij të veçantë, përpunimin e të dhënave personale në lidhje me të, përfshirë profilizimin sipas parashikimeve ligjore. Kontrolluesi nuk do t’i përpunojë më të dhënat personale, me përjashtim të rastit kur provon se ka arsye të forta legjitime për përpunimin, të cilat mbizotërojnë mbi interesat, të drejtat dhe liritë e subjektit të të dhënave, veçanërisht kur kanë të bëjnë me paraqitjen e një kërkese apo ushtrimin ose mbrojtjen e një të drejte, detyrimi, apo interesi të ligjshëm përpara gjykatës, ose autoriteteve publike.

Kur të dhënat personale përpunohen për qëllime të marketingut të drejtpërdrejtë, subjekti i të dhënave ka të drejtë të kundërshtojë, në çdo kohë dhe pa u detyruar të shpjegojë arsyet, përpunimin e të dhënave të tij personale për këtë qëllim, që përfshin profilizimin për aq sa është i lidhur me të.

Pas ushtrimit të kësaj të drejte, Kontrolluesi është i detyruar të ndërpresë përpunimin e të dhënave personale për këtë qëllim.

Jo më vonë se gjatë komunikimit të parë me subjektin e të dhënave, kontrolluesi informon subjektin e të dhënave mbi të drejtën për të kundërshtuar në mënyrë të shprehur, të qartë dhe të veçuar nga informacionet e tjera.

IX.8 E drejta për të mos iu nënshtruar vendimeve automatike

Subjekti i të dhënave ka të drejtë të mos jetë subjekt i një vendimi që bazohet vetëm në përpunimin automatik të të dhënave, përfshirë profilizimin, i cili shkakton pasoja ligjore ose pasoja të ngjashme të rënda mbi të.

Kjo nuk zbatohet nëse vendimi:

është i nevojshëm për lidhjen ose zbatimin e një kontrate ndërmjet subjektit të të dhënave dhe kontrolluesit; ose;
autorizohet nga një ligj, të cilit i nënshtrohet kontrolluesi dhe që përcakton edhe masat e përshtatshme për të mbrojtur të drejtat e liritë dhe interesat legjitimë të subjektit të të dhënave; ose
bazohet në pëlqimin e dhënë nga subjekti, të cilit i përkasin të dhënat.

Në këto raste, kontrolluesi zbaton masa të përshtatshme për të mbrojtur të drejtat, liritë themelore dhe interesat e ligjshëm të subjektit të të dhënave, si dhe të drejtën e subjektit të të dhënave për ndërhyrje manuale nga ana e kontrolluesit për të shprehur këndvështrimin e tij dhe për të kundërshtuar vendimin.

IX.9 E drejta për t’u ankuar

Çdo person që pretendon se i janë shkelur të drejtat, liritë dhe interesat e ligjshëm për të dhënat personale, ka të drejtë të ankohet ose të njoftojë Komisionerin dhe të kërkojë ndërhyrjen e tij për vënien në vend të së drejtës së shkelur. Nëse subjekti i të dhënave ka bërë ankim, kontrolluesi nuk ka të drejtë të ndryshojë të dhënat personale deri në dhënien e vendimit përfundimtar.

IX.10 E drejta për kompensimin e dëmit

Çdo person, të cilit i është shkaktuar një dëm si rezultat i përpunimit të paligjshëm të të dhënave personale, ka të drejtë t’i kërkojë kontrolluesit kompensim, sipas rregullave të përcaktuara në Kodin Civil.

IX.11 Ushtrimi i të drejtave

Ju mund të paraqisni një kërkesë për një të drejtë specifike në një mënyrë që ju lejon të identifikoheni duke kontaktuar Bankën në mënyrën e parashikuar këtu. Pra, për të përmbushur kërkesat për sigurinë e të dhënave dhe për të mbrojtur të drejtat e subjektit të të dhënave, Banka duhet të konfirmojë identitetin e subjektit të të dhënave ose identitetin e personit që dëshiron të ushtrojë ndonjë nga të drejtat. Banka do t’i përgjigjet çdo kërkese apo ankese sipas formës dhe procedurës të parashikuar nga Ligji brenda 30 (tridhjetë) ditësh nga data e marrjes së saj. Kjo periudhë mund të zgjatet deri në 60 (gjashtëdhjetë) ditë, kur është e nevojshme, duke marrë parasysh kompleksitetin dhe numrin e kërkesave të marra. Banka informon në mënyrë të arsyetuar subjektin e të dhënave për çdo zgjatje afati brenda 30 (tridhjetë) ditëve nga marrja e kërkesës së bashku me shkaqet e vonesës. Përgjigjja do të jetë me shkrim në adresën prej së cilës ka ardhur kërkesa apo ankesa dhe/ose në formë elektronike kur kërkesa apo ankesa ka ardhur elektronikisht përveçse kur kërkohet ndryshe nga subjekti i të dhënave.

Subjekti i të dhënave ka të drejtën e pakushtëzuar të kundërshtojë përpunimin e të dhënave të tij për qëllime të marketingut të drejtpërdrejtë, dhe Banka do të ndalojë menjëherë përpunimin e këtyre të dhënave për këtë qëllim.

Komisioneri për të Drejtën e Informimit dhe Mbrojtjen e të Dhënave Personale

Adresa: Rr. “Abdi Toptani”, Nd. 5, Kodi postar 1001, Tiranë

Tel: +355 42 23 7200

Nr. i gjelbër: 0800 2050

email: info@idp.al

Nëse subjekti i të dhënave ka bërë ankim, kontrolluesi nuk ka të drejtë të ndryshojë të dhënat personale deri në dhënien e vendimit përfundimtar.

Gjithashtu, subjekti i të dhënave mund të ngrejë padi në gjykatë për shkelje të pretenduara në fushën e mbrojtjes së të dhënave personale. Gjykata kompetente do të jetë Gjykata e Tiranës.

METODAT E PËRPUNIMIT DHE MASAT E SIGURISË

Të dhënat personale përpunohen me instrumente të automatizuara dhe jo të automatizuara, vetëm për kohën e nevojshme për të arritur qëllimet për të cilat janë mbledhur. Ne përdorim masa të avancuara teknike dhe organizative për të mbrojtur të dhënat tuaja dhe për të parandaluar humbjen, përdorimet e paligjshme ose të pasakta dhe aksesin e paautorizuar te të dhënat, duke përfshirë:

komunikimin e enkriptuar,
monitorimin e vazhdueshëm të përdorimit të faqes së internetit,
kontrolle të aksesit dhe trajnim të stafit mbi konfidencialitetin,
monitorimin e rregullt të sigurisë,
marrëveshjet e konfidencialiteti me punonjësit.

Sistemet IT dhe ambientet e tjera të ruajtjes së të dhënave të Bankës sonë ndodhen në ambientet e saj të regjistruara dhe në serverat e marrë me qira nga përpunuesi. Banka zgjedh dhe operon mjete dhe aplikacione IT për përpunimin e të dhënave personale në një mënyrë të tillë që të dhënat e përpunuara të jenë:

të aksesueshme për personat e autorizuar (disponueshmëria);
të besueshme dhe të autentifikuara (autenticiteti);
të pandryshuara në mënyrë të verifikueshme (integriteti i të dhënave);
të mbrojtura nga qasja e paautorizuar (konfidencialiteti).

Ne tregojmë kujdes të veçantë për të garantuar sigurinë e të dhënave, marrim të gjitha masat teknike-organizative dhe miratojmë rregullat procedurale të nevojshme për zbatimin e mbrojtjeve të specifikuara në Ligjin Nr. 124/2024 “Për mbrojtjen e të dhënave personale” dhe kuadrin ligjor rregullator të zbatueshëm. Ne marrim masa të përshtatshme për të mbrojtur të dhënat ngaaksesi i paautorizuar, ndryshimi, transferimi, përhapja publike, fshirja ose shkatërrimi i paautorizuar, si dhe dëmtimi dhe humbja aksidentale, dhe sigurohemi që të dhënat e ruajtura të mos korruptohen ose të bëhen të paaksesueshme për shkak të ndonjë ndryshimi ose modifikimi në teknikën e aplikuar.

Sistemet tona të informacionit dhe të kontraktorëve tanë janë të mbrojtura nga mashtrimet e asistuara nga kompjuteri, viruset kompjuterike, aksesi i paautorizuar dhe sulmet e shpërndara të mohimit të shërbimit (DDoS). Për më tepër, Banka garanton sigurinë me anë të procedurave të sigurisë në nivel serveri dhe në nivel aplikacioni. Të dhënave u bëhet backup çdo ditë. Banka merr të gjitha masat e mundshme për të shmangur shkeljet në sigurinë e të dhënave personale dhe në rast të një shkeljeje të të dhënave, ajo ndërmerr veprime të menjëhershme për të minimizuar çdo rrezik dhe për të eliminuar çdo dëm, në përputhje me rregulloret tona të menaxhimit të incidenteve dhe kuadrin ligjor-rregullator të zbatueshëm.

LIDHJET E PALËVE TË TRETA

Faqja jonë e Internetit mund të përmbajë lidhje (links) me faqe interneti të palëve të treta. Ne nuk jemi përgjegjës për praktikat e tyre të privatësisë. Ju inkurajojmë të rishikoni politikat e tyre të privatësisë.

PËRDITËSIMET E POLITIKËS

Banka rezervon të drejtën për të ndryshuar ose plotësuar këtë Politikë për të siguruar përputhshmërinë me ligjet dhe rregulloret për mbrojtjen e të dhënave personale dhe kuadrin ligjor rregullator të zbatueshëm, ndryshimet në teknologji apo produkte/shërbime. Versioni më i fundit i vlefshëm i Politikës është i disponueshëm në faqen e internetit (www.otpbank.al) me datën e “Përditësimit të fundit”.