POLITIKA E MBROJTJES SË TË DHËNAVE
OTP Bank Albania (në vijim referuar OBA) si pjesë e OTP Bank Plc., si institucioni kryesor financiar, është e angazhuar të zhvillojë, funksionojë dhe zbatojë një sistem të tillë rregullator, ekzekutiv dhe kontrollues që siguron ruajtjen dhe mbrojtjen e sekreteve bankare, te instrumenteve financiare si dhe të dhënat personale në përputhje me kriteret e përcaktuara në aktet ligjore përkatëse dhe interesat e tij themelore të biznesit.
Të dhënat personale të përpunuara nga OBA përfshijnë veçanërisht të dhënat e nevojshme për identifikimin dhe lidhjen me klientët, të dhënat e kërkuara për ofrimin e një shërbimi të caktuar dhe/ose të dhënat e krijuara dhe të përpunuara gjatë ofrimit të shërbimit të caktuar (përfshirë të dhënat në lidhje me mbledhjen e borxhit), të dhënat e komunikimit – të kryera në çdo kanal komunikimi – ndërmjet OBA-s dhe subjektit të të dhënave.
OTP Group është e angazhuar për mbrojtjen e duhur të të dhënave personale të përpunuara në përputhje me kërkesat e Rregullores së Përgjithshme të Mbrojtjes së të Dhënave (GDPR).
Meqenëse Shqipëria nuk është vend i BE-së, GDPR nuk është ende i zbatueshëm në Shqipëri, por Banka ka detyrimin të implementojë dhe zbatojë kërkesat e ligjeve lokale për mbrojtjen e të dhënave dhe mbrojtjen e konsumatorit. OBA ka detyrimin të zbatojë kërkesat e ligjit nr. 124/2024 “Për mbrojtjen e të dhënave personale”. i cili është në përputhje me Rregulloren e BE-së nr. 679/2016, të Parlamentit Evropian dhe Këshillit të BE-së, datë 27 Prill 2016 dhe Direktivën e BE-së nr. 680/2016, të Parlamentit Evropian dhe Këshillit të BE-së, datë 27 Prill 2016.
Gjatë përpunimit të të dhënave personale dhe transferimit të tyre tek palët e treta, OBA respekton të drejtat themelore dhe siguron plotësisht parimet e mbrojtjes së të dhënave gjatë gjithë kohës. Prandaj, siguron
- që të dhënat personale të përpunohen në mënyrë të ligjshme, të drejtë dhe transparente për subjektet e të dhënave;
- që të dhënat personale të mblidhen për qëllime të specifikuara, të qarta dhe legjitime dhe të mos përpunohen më tej në një mënyrë që është e papajtueshme me ato qëllime;
- që të dhënat personale të përpunuara të jenë të përshtatshme, relevante dhe të kufizuara në atë që është e nevojshme në lidhje me qëllimet për të cilat ato përpunohen;
- që të dhënat personale të përpunuara të jenë të sakta dhe, kur është e nevojshme, të përditësohen dhe OBA ndërmerr çdo hap të arsyeshëm për të siguruar që të dhënat personale që janë të pasakta, duke pasur parasysh qëllimet për të cilat ato përpunohen, fshihen ose korrigjohen;
- që të dhënat personale të mbahen në një formë që lejon identifikimin e subjekteve të të dhënave jo më gjatë se sa është e nevojshme për qëllimet për të cilat përpunohen të dhënat personale;
- që të dhënat personale të përpunohen në një mënyrë që garanton sigurinë e duhur të të dhënave personale, duke përfshirë mbrojtjen kundër përpunimit të paautorizuar ose të paligjshëm dhe kundër humbjes, shkatërrimit ose dëmtimit aksidental, duke përdorur masat e duhura teknike ose organizative.
OBA si kontrollues i të dhënave u kërkon palëve të treta (kontrollues të përbashkët, përpunues të dhënash, kontrollues të pavarur) me të cilët ndahen të dhënat, që të jenë në përputhje me parimet e përcaktuara në legjislacion dhe kërkesat mbikëqyrëse.
Rregullat e detajuara të përpunimit të të dhënave përmbahen në rregulloren përkatëse të OBA, që kanë të bëjnë me shërbime të caktuara biznesi (përfshirë shërbimet ndihmëse të biznesit) dhe shërbimet e investimeve (përfshirë shërbimet ndihmëse të investimit) të divizioneve të biznesit, si dhe broshurat e informacionit përkatës mbi të dhënat përpunimi në fuqi në çdo kohë.
Këto dokumente përmbajnë detaje për sa vijon:
- subjektet e të dhënave të interesuara nga shërbimet e dhëna të OBAs (klientët, klientët potencialë dhe subjektet e tjera të të dhënave në fjalë);
- të dhënat e mbajtura në regjistrat e subjekteve të të dhënave në lidhje me shërbimin e dhënë,
- qëllimi(n) e përpunimit të të dhënave;
- bazat ligjore për përpunimin e të dhënave;
- periudha e ruajtjes së të dhënave të përpunuara;
- rastet kur të dhënat personale përpunohen duke përdorur metodën e automatizuar të vendimmarrjes dhe përdoren për profilizimin nga OBA;
- marrësit e transferimit të të dhënave personale të përpunuara dhe bazën ligjore për transferimin e të dhënave;
- përpunuesit e të dhënave të përdorura gjatë përpunimit të të dhënave;
- Të drejtat e subjektit të të dhënave parashikohen veçanërisht në ligjin nr. 124/2024, – sipas përcaktimeve të tij, subjekti i të dhënave ka të drejtë të kërkojë nga OBA, si kontrollues i të dhënave, akses dhe korrigjim ose fshirje të të dhënave personale ose kufizimi i përpunimit në lidhje me subjektin e të dhënave ose për të kundërshtuar përpunimin, si dhe të drejtën për transportueshmëri të të dhënave.
OBA si pjesë e grupit OTP që merret me përpunimit të të dhënave, fakte dhe informacioneve që janë të dhëna personale, sekrete bankare, instrumente financiare dhe fondesh, të cilat ato i marrin, duke siguruar një nivel të lartë mbrojtjeje.
Subjektet e të dhënave mund të kërkojnë informacion në lidhje me përpunimin e të dhënave të tyre personale dhe mund të paraqesin kërkesat dhe ankesat e tyre si dhe në detajet e mëposhtme të kontaktit:
Bulevardi “Bajram Curri” Godina Down Town , Kati 8, Tirana, Albania.
Adrese e-mail: ankesa@otpbank.al
Numer telefoni: 08004848 / +355 68 (69) 40 12 121
Kërkesat për sinjalizim mund të dorëzohen në detajet e mëposhtme të kontaktit:
Adrese e-mail: whistleblowing@otpbank.al
Dërgoni një letër zyrtare në adresën e mëposhtme Banka OTP Albania sh.a,
Bulevardi “Bajram Curri” Godina Down Town, Kati 8Tirana, Albania
Më tej, subjekti i të dhënave mund të paraqesë një ankesë edhe pranë Komisionerit për të Drejtën e Informimit dhe Mbrojtjen e të Dhënave Personale (https://www.idp.al/ankohu/; Adresa postare: Rr. Abdi Toptani, Nd. 5, Kodi postar 1001, Tirana.; Numer: +35542237200; Fax: +35542233977; E-mail: info@idp.al).