OTP Bank Albania njofton organizimin e një Ankandi me Çmim Minimal për shitjen e disa aseteve në pronësi të bankës, të ndara në katalogë si më poshtë, ku paraqiten të dhënat teknike, gjendja aktuale e aseteve, sasia dhe çmimi minimal i pranueshëm për secilën kategori asetesh:
Rregullat e Përgjithshme të Ankandit
- Çmimi minimal i pranueshëm për secilin aset është i përcaktuar në katalogun përkatës.
- Ofertat me vlerë më të ulët se çmimi minimal nuk do të merren në konsideratë.
- Fitues për secilin aset do të shpallet ofertuesi që paraqet ofertën financiare më të lartë, me kusht që oferta të jetë mbi çmimin minimal të përcaktuar.
- Në rast se për të njëjtin aset paraqiten dy ose më shumë oferta me të njëjtën vlerë, Banka rezervon të drejtën të veprojë sipas vendimmarrjes së saj.
Dokumentacioni i nevojshëm
Të interesuarit duhet të dorëzojnë:
- Ofertën Financiare;
- Dokument identifikimi (Kartë Identiteti ose Pasaportë);
- Informacion mbi mënyrën e pagesës.
Oferta duhet të paraqitet në monedhën e përcaktuar në katalogun përkatës të asetit, në mënyrë që ofertat të jenë lehtësisht të krahasueshme.
Dorëzimi i Ofertave
Afati përfundimtar për dorëzimin e ofertave financiare është 14 Gusht 2026, ora 15:00.
Të gjitha ofertat duhet të dorëzohen me zarf të mbyllur pranë:
Zyra e Protokollit – OTP Bank Albania
Blvd. Bajram Curri, Godina DownTown One, Kati 8, Tiranë
Drejtuar: Departamentit të Burimeve Materiale – Sektori i Logjistikës
Mbi zarfin e ofertës duhet të shënohen:
- Emri dhe mbiemri i ofertuesit (ose emri i subjektit);
- Kategoria e asetit;
- Aseti specifik për të cilin paraqitet oferta.
Vizita dhe Inspektimi i Aseteve
Personat e interesuar kanë mundësinë të inspektojnë asetet përpara paraqitjes së ofertës. Vizitat mund të organizohen me rezervim paraprak duke kontaktuar në adresën:
General.Resources.Department@
OTP Bank Albania rezervon të drejtën të refuzojë oferta që nuk janë në përputhje me kushtet e përcaktuara në këtë njoftim dhe në dokumentacionin përkatës të ankandit.